千企吾好去大埔超級城嗰間DEEP V FOR HAIR，上星期我去電髮，係我自己响網上睇倒呢間salon好似好吸引，佢D website 相影得好靚，所以响早幾日已經上網BOOK咗11:00am去剪和電頭髮。點知我去到嗰度，入咗門口企咗响度都冇人招呼，只係你望我、我望你咁，之後就求奇叫我坐低等，於是我等咗半粒鐘，仲係無人理會，但陣時其實得一個客，我終於忍唔住再追問，一個洗頭妹施施然而且”黑埋”塊面行過嚟同我講，話：師傅食緊早餐，妳等吓啦，妳好趕時間咩？我唯有忍住度氣，以為呢間嘢真係「好到飛起」，雖然好不耐煩，但都繼續等，等到11：50am，師傅先至出現，行過來就開始剪，連sorry 都冇句。


剪個陣，我一直提住同我剪緊頭髮嗰個髮型師，唔好剪得太薄太散，我唔想瞓醒後成個頭髮飛起，同埋冇咗個質感同墜感，但結果都係「我有我講，佢有佢剪」，仲剪得鬼死咁薄。仲以為個髮型師有佢自己一套方法，可以電到把頭髮好好哋，雖然電完個頭已經係5點，時間我已經預咗，但個髮型師的功夫真係非常唔掂。佢叫我2日後先好去洗頭，ok，我照做，結果洗完後個之後curve差不多冇晒…同事個個都問： ‘妳有電過頭髮咩’？無一個同事相信，我把頭翇係好受電嘅，之前已經有差唔多半年無電無染。以佢咁嘅service加咁嘅質數，都要收成$500，求其邊度搵一間髮廊都好過呢間，至少唔會「一擊全中」- 响同一間salon搵倒: 1師傅專業水準完全做唔到客人要求+2員工極無禮貌缺乏基本質素+3環境認真馬馬，為免唔想有更多靚仔靚女受騙同埋受氣，我要將所有事實之全部講晒出嚟俾大家知。

呢間salon，响website 啲相影得好靚，但入到去完全兩個版本 – 啲椅又污糟又坐得唔舒服，洗頭個張椅又頂住後腦，所以千祈唔好相信啲廣告。

我就係因為呢間標榜住大埔最專業SALON，又寫到明有CWB，中環水準的SALON…哎呀！原來係得啖氣…而家對住塊鏡我真係笑唔出，收咗我500蚊已經係小事，但攪到我個頭髮咁，又要等幾個月長返飬返好啲髮質就好心痛！！